සමාජීය සාමය හා සහජීවනය බිඳ වැටීමේ ප්රතිඵල
සමාජීය සාමය හා සහජීවනය බිඳ වැටීම යනු, විවිධ ජන කොටස් අතර පවතින විවිධත්වය ඉස්මතු වීම හා විවිධ බේදයන් උත්සන්න වීමයි..ඒ අනුව සමාජයේ සාමාන්ය ස්වරූපය නිසි ලෙස කළමනාකරණය කර ගැනීමට නොහැකිවීම සමාජීය සාමය හා සහජීවනය බිඳ වැටීමට හේතු වේ. එනම් සමාජයේ පවතින විවිධත්වය නොසලකා හැර විවිධත්වය තුළ පවතින පොදු සාධක මතු කර ගත හැකි ලෙස සන්නිවේදන ක්රියාවලිය සංවිධානය කර නොගැනීම සාමය හා සහජීවනය බිඳ වැටීමට හේතු වේ.
සමාජය තුළ සාමය හා සහජීවනය බිඳ දැමීම සදහා උපකාර කරන විවිධ විෂය බලවේග සහ යටි අරමුණු සහිත පිරිස් සමාජය තුළම සිටියි. ඔවුන් සහජීවනය බිඳ දමන්නේ තම පෞද්ගලික හෝ තම වර්ගයාගේ අපේක්ෂාවන් ඉටු කර ගැනීම සඳහාය. බොහෝවිට සීමිත සම්පත් බෙඳීයාමේ විෂමතාව තුළ තම පාර්ශවයට ඒවා අත්පත් කර ගැනීමට දරන උත්සාහයේදී මෙම තත්ත්වය උදා වේ. එවැනි අවස්ථාවල සමාජයේ යහපැවැත්මට එරෙහි වන විනාශකාරී පාර්ශව හා බලවේග සමාජය තුළින්ම ඉස්මතු වේ. ඇතැම් සමාජයක සුළු ජන කණ්ඩායම් අරගල කරන අතර තවත් සමාජයක පහළම පන්තිය හෝ කම්කරුවන් අරගලවලට එක් වේ. මෙලෙස කුමන ආකාරයේ හෝ කල්ලි හෝ කණ්ඩායම් බිහි වී ඔවුන් අතර අරගල ඇතිවීමෙන් සිදුවන්නේ සමාජයේ සාමකාමී පැවැත්ම දෙදරා යාමයි. එවැනි අවස්ථාවක මතුවිය හැකි අනිසි ප්රතිඵල රැසකි.
- නොසලකා හැරීම්
- වාචික හිංසනය
- දේපල හානි
- පුද්ගල පහරදීම්
- සොරා ගැනීම් හා පැහැර ගැනීම්
- ළමා හා ස්ත්රී දූෂණ, ළමා හා කාන්තා අයිතිවාසිකම් උල්ලංඝනය වීම
- ඝාතනය කිරීම්
- ප්රජාතන්ත්රවාදී දේශපාලන ක්රියාවලිය බිඳ වැටීම
- නීතිය සාධාරණත්වය වල් වැදීම
- ආර්ථික විෂමතාව හා කර්මාන්ත අඩපණවීම
- ත්රස්තවාදී ක්රියා
- සමාජ සදාචාරය පිරිහීම
- මූලික මිනිස් අයිතිවාසිකම් හා මානව ධර්මතා බිඳ වැටීම
😍
ReplyDeleteගොඩක් වැදගත්
ReplyDelete